| ex codicibus Lucaniis | |
| <m. annaevs lvcanvs Cordubensis> * * * prima ingenii | 47.1 |
| experimenta in Neronis laudibus dedit quinquennali certa- | |
| mine, dein civile bellum quod a Pompeio et Caesare gestum | |
| est recitauit * * * ut praefatione quadam aetatem et initia | |
| sua cum Vergilio conparans ausus sit dicere: | 5 |
| et quantum mihi restat | |
| ad Culicem! | |
| Hic initio adulescentiae, cum ob infestum matrimonium pa- | |
| trem suum ruri agere longissime cognouisset * * * reuocatus | |
| Athenis a Nerone cohortique amicorum additus atque etiam | 10 |
| quaestura honoratus. non tamen permansit in gratia: siqui- | |
| dem aegre ferens, <quod Nero se> recitante subito ac nulla | |
| nisi refrigerandi sui causa indicto senatu recessisset, neque | |
| uerbis aduersus principem neque factis extantibus post haec | |
| temperauit, adeo ut quondam in latrinis publicis clariore | 15 |
| cum crepitu uentris hemistichium Neronis magna consesso- | |
| rum fuga pronuntiarit: | |
| sub terris tonuisse putes. | |
| sed et famoso carmine cum ipsum tum potentissimos amico- | |
| rum grauissime proscidit. ad extremum paene signifer Pi- | 20 |
| sonianae coniurationis extitit, multus in gloria tyrannicida- | |
| rum palam praedicanda ac plenus minarum, usque eo intem- | |
| perans ut Caesaris caput proximo cuique iactaret. uerum | |
| detecta coniuratione nequaquam parem animi constantiam | |
| praestitit; facile enim confessus et ad humillimas deuolutus | 25 |
| preces matrem quoque innoxiam inter socios nominauit spe- | |
| rans impietatem sibi apud parricidam principem profuturam. | |
| impetrato autem mortis arbitrio libero codicillos ad patrem | |
| corrigendis quibusdam uersibus suis exarauit epulatusque | |
| largiter brachia ad secandas uenas praebuit medico. poemata | 30 |
| eius etiam praelegi memini, confici uero ac proponi uena- | |
| lia non tantum operose et diligenter sed et inepte quoque. |