Altercatio Hadriani Augusti et Epictiti philosophi
  Had. Quid erit nobis, si cinctum solvas, neque nudaberis 1.1
ipse? Respice corpus, quod et doceri possis. Epic. Epistola est.
  H. Quid est epistola? E. Tacitus nuncius. 2.1
  H. Quid est pictura? E. Veritas falsa. 3.1
  H. Quare hoc dixisti? E. Videmus enim poma picta, flores, 4.1
animalia, aurum, argentum, et non est verum.
  H. Quid est aurum? E. Mancipium mortis. 5.1
  H. Quid est argentum? E. Invidie locus. 6.1
  H. Quid est ferrum? E. Omnis artis instrumentum. 7.1
  H. Quid est gladius? E. Regimen castrorum. 8.1
  H. Quid est gladiator? E. Sine crimine homicida. 9.1
  H. Qui sunt qui sani egrotant? E. Qui aliena negocia cu- 10.1
rant.
  H. Qua ratione homo lassus non fit? E. Lucrum faciendo. 11.1
  H. Quid est amicitia? E. Concordia. 12.1
  H. Quid est longissimum? E. Spes. 13.1
  H. Quid est spes? E. Vigilanti somnus, spectanti dubius 14.1
eventus.
  H. Quid est quod homo videre non potest? E. Alterius animum. 15.1
  H. Qua re peccant homines? E. Cupiditate. 16.1
  H. Quid est libertas? E. Innocentia. 17.1
  H. Quid regi et misero commune est? E. Nasci et mori. 18.1
  H. Quid est optimum ac pessimum? E. Verbum. 19.1
  H. Quid est quod alii placet et alii displicet? E. Vita. 20.1
  H. Quid est optima vita? E. Brevissima. 21.1
  H. Quid est certissimum? E. Mors. 22.1
  H. Quid est mors? E. Perpetua securitas. 23.1
  H. Quid est mors? E. Timenda nonnullis, si sapiens legas, 24.1
inimica vite, nomen animantium, metus parentum, liberorum preda,
testamenti gratia, post obitum sermo, supreme lacrime, post memo-
riam oblivio, fax rogi, onus sepulti, titulus monumenti;
mors omnium malorum finis est. 5
  H. Quare mortuus coronatur? E. Agonem se vite transe- 25.1
gisse testatur.
  H. Quare mortuo pollices ligantur? E. Ut parem post obi- 26.1
tum esse se nesciat.
  H. Quid est vispillo? E. Quem multi devitant et nemo 27.1
effugit.
  H. Quid est rogus? E. Contentio crediti, persolutio debiti. 28.1
  H. Quid est tuba? E. Belli incitamen, castri signum, arena 29.1
admonitio, scene commissio, funeris deploratio.
  H. Quid est monimentum? E. Saxa isticmosa, otiosi via- 30.1
toris spectatio.
  H. Quid est homo pauper? E. Ut puteum desertum omnes 31.1
aspiciunt et loco illum relinquunt.
  H. Quid est homo? E. Balneo similis: prima cella 32.1
tepidaria unctaria, infans natus perungetur; secunda cella sudatoria
pueritia est; tertia cella assa perferentia iuventus; quarta cella ap-
propiat senectus frigidaria, omnibus equat sententiam.
  H. Quid est homo? E. Pomo similis: 33.1
    Poma ut in arboribus pendent, sic sunt et corpora nostra:
    ut matura cadunt, aut si cito acerba ruunt.
  H. Quid est homo? E. Sicut lucerna in vento posita. 34.1
  H. Quid est homo? E. Loci hospes, legis imago, calamitatis 35.1
fabula, mancipium mortis, vite mora; quo fortuna sepe suos ludos
faciet.
  H. Quid est fortuna? E. Ut matrona nobilis in servos se 36.1
inpingit.
  H. Quid est fortuna? E. Sine iudicio, proxima meta, alieno- 37.1
rum bonorum casus; ad quem venit, splendorem ostendit,
a quo recedit, umbram faciet.
  H. Quot sunt autem fortune? E. Tres: una ceca, que ubili- 38.1
bet se impingit; et alia insana, que concedit, cito aufert; tertia surda,
que miserorum preces non exaudit.
  H. Quid sunt dii? E. Oculorum signa, mentis numina; si 39.1
metuis, timor est; si contines, religio est.
  H. Quid est sol? E. Splendor orbis; qui tollit et ponit diem; 40.1
per quem scire nobis cursum horarum datur.
  H. Quid est luna? E. Dies adultor, noctis oculus, fax tene- 41.1
brarum.
  H. Quid est celum? E. Culmen immensum. 42.1
  H. Quid est celum? E. Aër mundus. 43.1
  H. Quid sunt stelle? E. Fata hominum. 44.1
  H. Quid sunt stelle? E. Litora gubernatorum. 45.1
  H. Quid est terra? E. Horreum Cereris. 46.1
  H. Quid est terra? E. Cellarium vite. 47.1
  H. Quid est mare? E. Iter incertum. 48.1
  H. Quid est navis? E. Domus erratica. 49.1
  H. Quid est navis? E. Ubilibet hospicium. 50.1
  H. Quid est navis? E. Numina Neptuni, anni cursuum 51.1
tabellarium.
  H. Quid est nauta? E. Amator pelagi, firmi desertor, con- 52.1
temptor vite mortisque, unde cliens.
  H. Quid est somnus? E. Mortis imago. 53.1
  H. Quid est nox? E. Laboranti requies, crassanti lucrum. 54.1
  H. Quid est culcita? E. Insomnis volutatorium. 55.1
  H. Quare Venus nuda pingitur? E. 56.1
    Nuda Venus picta, nudi pinguntur Amores;
    quibus nuda placet, nudos dimittat oportet.
  H. Quare Venus Vulcano nupta est? E. Ostendit amorem 57.1
ardore incendi.
  H. Quare Venus straba est? E. Quia pravus est amor. 58.1
  H. Quid est amor? E. Otiosi pectoris molestia, in puero 59.1
pudor, in virgine rubor, in femina furor, in iuvene ardor, in sene
risus, in derisore delicti nequities est.
  H. Quid est deus? E. Qui omnia tenet. 60.1
  H. Quid est sacrificium? E. Delibatio. 61.1
  H. Quid est sine societate? E. Regnum. 62.1
  H. Quid est regnum? E. Pars deorum. 63.1
  H. Quid est Cesar? E. Publice lucis caput. 64.1
  H. Quid est senatus? E. Ornamentum splendor urbis 65.1
civium.
  H. Quid est miles? E. Murus imperii, defensor patrie, 66.1
gloriosa servitus, potestatis indicium.
  H. Quid est Roma? E. Fons imperii orbis ter- 67.1
rarum, mater gentium, rei possessor, Romanorum contubernium,
pacis eterne consecratio.
  H. Quid est victoria? E. Belli discordia, pacis amor. 68.1
  H. Quid est pax? E. Tranquilla liberalitas. 69.1
  H. Quid est forum? E. Templum libertatis, arena liti- 70.1
gantium.
  H. Quid sunt amici? E. Statute aree sunt. 71.1
  H. Quid est amicus? E. Ut pomo citreo similis: a foras 72.1
beatus, nam intra pectus accidum occultat malo.
  H. Quid sunt parasiti? E. Qui tanquam pisces adescantur. 73.1