Hist. Aug. Tyr. Trig. 6.6
Victorino, qui Gallias post Iulium Posthumum rexit, neminem 1.1
aestimo praeferendum, non in uirtute Traianum, non Antoninum
in clementia, non <in> grauitate Neruam, non in gubernando aerario
Vespasianum, non in censura totius uitae ac seueritate militari
Pertinacem uel Seuerum. sed omnia haec libido et cupiditas 5
mulierariae uoluptatis sic perdidit, ut nemo audeat uirtutes eius
in litteras mittere, quem constat omnium iudicio meruisse puniri.