E Graecis conversa
Iul. Val. 1.23 (32K)
Haec tibi, rex, Phoebus lunatis cornibus edo: 1.1
Nomen si pergis aevo celebrare perenni,
urbs tibi condenda est qua stat Proteia tellus
praesidet et numen cui Ditis mundipotentis
vertice quinqueiugo rerum secreta gubernans. 5
Iul. Val. 1.31 (41K)
Prae cuncta vitae commoda est mortalibus 2.1
de fine <vitae semper esse> nescium
quibusque metis fata claudantur sui.
Mens quippe homulli non videt variantia
quot haec reformet perpes aeviternitas. 5
Nam si facessat casuum scientia,
laeta est timoris omnis ignoratio.
Quare id putato tute commodissimum,
si spes futuri nullo foedetur metu.
Ergo hisce quae fas instruere ut praescias. 10
Tu nam levatus nostra praepotentia
quaecumque gens sit obvia sternes manu
tuncque haec revises animo, liber artubus.
Urbs vero, quam nunc erigis mundi decus,
nitore surget cunctis exoptabilis 15
saeclis, virescens temporum recursibus
unaque semper fulta beatitudine,
frequens deorum templis atque numine
decusque vincens civium concordia.
Optata sedes vitae . . . 20
. . . letum capit
cunabulisque gratior genitalibus.
Quippe ipse laetis coetibus praesul cluo
interminatis saeculorum cursibus,
fundata quod sit tellus hisce legibus, 25
ridens sereno vel corusco lumine.
Quippe austri solum sontibus iam libera
flabris, fovetur blandius spirantibus,
ne quis potentum seu vis ulla daemonum
exim noceret imperioso numine. 30
Est namque fatum motibus nutantibus
telluris huius penita contremiscere
famemque nosse celere perfunctam metu,
tractus luales atque bella percita.
Enim facessent ista ceu si somnium. 35
<Te semper> reges multigenarum gentium
honore divum summo cultu exambient
astris receptum caelitumque congregem,
quorum frequente cultu sis beatior
tuosque praestas numine augustissimo. 40
Haec quippe sedes corpori est caelum tuo.
Nunc ipse quis sim mente bibula percipe
nomenque nostrum <ex> hisce numeris collige:
Sub Graia primum biscentena littera
unum repone numerum et centum dehinc 45
unumque post id, tunc quater viginti sint
decemque iuxtim eaque sit novissima,
quae prima fixa est idque sit nomen mihi.
Iul. Val. 1.32 (43K)
Caerulea hinc cilii Saturnius adnuit arce, 3.1
aurea caesaries quam cingit nutibus almis.
Iul. Val. 1.46 (57K)
Hinc primus extat Aeacus Iovis proles 4.1
atque inde Peleus Phthiae regna possedit,
quo tu subortus inclyta cluis proles.
Pyrrhusque post id nobile adserit sanguen,
quem subsecuta est Pieli fama non dispar; 5
Pielique proles Eubius dehinc regnat.
Post Nessus ardens excipit domus nomen
Argusque post id, qui potens fuit Xanthi;
ex hoc Arete nobilis genus ducit.
Areta natus Priami nomen accepit, 10
Tryinus unde et Eurymachus post illum,
ex quo Lycus fit dives et dehinc Castor.
Castore natus est Dromon, qui dat Phocum.
Atque hinc suborta est Metrias, quae suscepit
Neoptolemei nominis vicem dignam, 15
cui substitutus Charopus; hic Molossorum
regni potitus auctor extitit stirpis
nostrae . . .
. . . eritque viscus inclytum matris,
e qua subortus vestro sanguini adnector, 20
quaesoque nomen adseras tuum nobis
bellisque praestes gloriasque subtexas
velut feracis seminis . . . fructum,
quod cuncta late spatia terrae pervadat;
ultraque metas nostra fac Phaetonteas 25
regna explicari mundus adserat cunctus.
Iul. Val. 1.53 (64K)
Maiugena Alcides et Pollux caestibus auctor 5.1
arte sua Thebis reditum cultumque dedere.
Iul. Val. 3.48 (156K)
Multigenasque urbes hominum moresque notavi 6.1
Iul. Val. 3.48 (157K)
Quique novum cernunt Hyperiona quique cadentem 7.1
Iul. Val. 3.56 (164K)
Accipe quae regis sedes cultusque dicetur: 8.1
Urbs colitur Nili propter umbrosa fluenta,
aequoris in gremio, cereali dives anona,
nomine Amazonidos quae dicitur inclyta Memphis.
Hic sibi templa dari sacrata sede recepto 5
iussit cornigeri genitus sub honore Lyaei.