| frangvntvr remi vel gubernacula, vel quod melius est | 1.104.1 |
| re vera remi. antiqui enim velis remisque navigabant, ut "validis | |
| incumbere remis, obliquat sinus in ventos". {⁴³et hoc de navi | |
| Aeneae, an de omnibus dixit? tvm proram avertit alii 'prora' legi | |
| tradunt.}⁴³ avertit pro 'avertitur'. et est figura creberrima. | 5 |
| potest namque pro activi verbi significatione passivum poni, ut est | |
| "et pictis bellantur Amazones armis" pro bellant. nec nos debet | |
| movere quod bellor non facit, natura enim hoc prohibuit. nam | |
| conpone hoc verbum, et invenitur activum, facit enim debello de- | |
| bellor. et contra pro passivi verbi significatione activum ponitur, | 10 |
| ut est hoc 'avertit' pro avertitur, et "insinuat pavor" pro insinua- | |
| tur, et "nox umida caelo praecipitat" pro praecipitatur. sed haec | |
| verba tantummodo pro se invicem ponuntur, quae et activa esse | |
| possunt et passiva, ut est averto avertor, praecipito praecipitor. | |
| ergo non possumus dicere quod quidam artigraphus, declinationes | 15 |
| activi verbi et passivi pro se invicem poni. nam et neutralis verbi | |
| declinatio activa est et communis deponentisve passiva, et aliud est | |
| esse activum verbum, aliud habere activi verbi declinationem. |