| {⁴³qvin potivs pro 'cur non'.}⁴³ pacem aeternam non indutias | 4.99.1 |
| temporales. {⁴³pactosqve hymenaeos licet fabula de Hymenaeo in primo | |
| libro narrata sit breviter, tamen plenior talis est: Hymenaeus, | |
| Atheniensis, adeo pulcher fuit, ut adulescens puella putaretur. is cum | |
| unam virginem nobilem ipse mediocriter ortus adamasset eiusque nu- | 5 |
| ptias desperaret, quod unum poterat, sequendo puellam amori satis faci- | |
| ebat. sed cum Atheniensium nobilissimae virgines Eleusinae Cereri | |
| sacra facerent, subito adventu piratarum raptae sunt: inter quas etiam | |
| Hymenaeus, qui illo amatam fuerat secutus, tamquam puella raptus | |
| est. sed cum piratae praedam per maria longinqua portassent, in de- | 10 |
| sertam regionem delati ac fatigati somno se dederunt: quos cum uni- | |
| versos occidisset Hymenaeus, relictis ibi virginibus Athenas reversus est | |
| petiitque a civibus, ut, si virgines quae raptae fuerant reduxisset, di- | |
| lectae nuptias impetraret. quas cum reduxisset, optatam in matrimo- | |
| nium virginem meruit. quod coniugium quia felix fuerat, placuit [omni- | 15 |
| bus] Atheniensibus omnibus nuptiis Hymenaei nomen interesse. est etiam | |
| alia ratio vocabuli: nam hymen quaedam membrana quasi virginalis | |
| puellae esse dicitur: qua rupta quia desinat esse virgo, hymenaei nuptiae | |
| dictae.}⁴³ |