vnde genvs dvcis ut diximus supra, quia feli- 5.801.1
citer est navigaturus Aeneas, {⁴³Venerem dicit a mari procreatam}⁴³. et
ut fert fabula, Caelus pater fuit Saturni. cui cum iratus filius falce
virilia amputavit, delapsa in mare sunt: de quorum cruore et maris
spuma nata dicitur Venus: unde et Ἀφροδίτη dicitur, ἀπὸ τοῦ ἀφροῦ. 5
sed hoc habet ratio: omnes vires usu venerio debilitantur, qui sine
corporis damno non geritur: unde fingitur Venus nata per damnum;
de mari autem ideo, quia dicunt physici sudorem salsum esse, quem
semper elicit coitus. unde etiam myrtus ei consecrata est, quae
litoribus gaudet, ut {⁴³ait}⁴³ "litora myrtetis laetissima". {⁴³ideo autem 10
diximus 'Caelus pater', ut deus significaretur: nullus enim deus generis
neutri est. nam caelum genere neutro elementum significat.}⁴³ mervi
qvoqve etiam praestiti, ut "nec te regina negabo pro-
meritam". alii dicunt 'militavi', ut "aere merent parvo".