| italiae medio hunc locum umbilicum Italiae chorographi | 7.563.1 |
| dicunt. est autem in latere Campaniae et Apuliae, ubi Hirpini | |
| sunt, et habet aquas sulphureas, ideo graviores, quia ambitur silvis. | |
| ideo autem ibi aditus esse dicitur inferorum, quod gravis odor iuxta | |
| accedentes necat, adeo ut victimae circa hunc locum non immola- | 5 |
| rentur, sed odore perirent ad aquam adplicatae. et hoc erat genus | |
| litationis. sciendum sane Varronem enumerare quot loca in Italia | |
| sint huius modi: unde etiam Donatus dicit Lucaniae esse qui descri- | |
| bitur locus, circa fluvium qui Calor vocatur: quod ideo non procedit, | |
| quia ait 'Italiae medio'. svb montibvs altis hoc nisi ad totam | 10 |
| Italiam referas, non procedit: ut sit, est in vallibus Italiae mon- | |
| tuosae: nam in hoc loco montes penitus non sunt. |