| SERVII GRAMMATICI | |
| IN VERGILII GEORGICON LIBRVM QVARTVM | |
| COMMENTARIVS. | |
| protinvs aerii mellis caelestia dona exeqvar rheto- | 4.1.1 |
| rice dicturus de minoribus rebus magna promittit, ut et levem | |
| materiam sublevet et attentum faciat auditorem. sane perite, quo- | |
| niam scit breve esse opus hoc de apibus et intra paucos versus | |
| posse consumi, usus est translationibus ad dilatandam materiam, | 5 |
| dicens apes habere reges, praetoria, urbes et populos. sane scien- | |
| dum, ut supra diximus, ultimam partem huius libri esse mutatam: | |
| nam laudes Galli habuit locus ille, qui nunc Orphei continet fa- | |
| bulam, quae inserta est, postquam irato Augusto Gallus occisus | |
| est. protinvs deinceps, exinde, etiam floreum agrum exsequar, | 10 |
| sicut sum ceteros exsecutus. aerii mellis nam mel ex rore | |
| colligitur, qui utique defluit ex aere: unde est et 'caelestia dona', | |
| id est munus deorum. antea enim mel inveniebatur in foliis, ut | |
| "mellaque decussit foliis". {⁴³et aliter: sive quod Iuppiter melle | |
| nutritus sit in insula Creta: sive quod in aere concipiatur: nam, ut | 15 |
| ait Cornelius Celsus, apes ex floribus ceras faciunt, ex rore matu- | |
| tino mel.}⁴³ |