| LIBER VI | |
| Quint. Inst. 6.3.86 | |
| Quis potis ingentis oras euoluere belli | 6.164 |
| Nauos repertus homo, Graio patre, Graius homo, rex | 165 |
| Nomine Burrus uti memorant a stirpe supremo | |
| Aio te Aeacida Romanos uincere posse | |
| < . . . >ntus in occulto mussabat | |
| Balantum pecudes quatit, omnes arma requirunt | |
| Proletarius publicitus scutisque feroque | 170 |
| Ornatur ferro. muros urbemque forumque | |
| Excubiis curant | |
| †Decimo tamen induuolans secum abstulit hasta | |
| Insigne | |
| Incedunt arbusta per alta, securibus caedunt, | 175 |
| Percellunt magnas quercus, exciditur ilex, | |
| Fraxinus frangitur atque abies consternitur alta, | |
| Pinus proceras peruortunt: omne sonabat | |
| Arbustum fremitu siluai frondosai. | |
| qui antehac | 180 |
| Inuicti fuere uiri, pater optume Olympi, | |
| Hos ego ui pugna uici uictusque sum ab isdem | |
| Nec mi aurum posco nec mi pretium dederitis: | |
| Non cauponantes bellum sed belligerantes | |
| Ferro, non auro uitam cernamus utrique. | 185 |
| Vosne uelit an me regnare era quidue ferat Fors | |
| Virtute experiamur, et hoc simul accipe dictum: | |
| Quorum uirtuti belli fortuna pepercit | |
| Eorundem me libertati parcere certum est. | |
| Dono—ducite—doque—uolentibus cum magnis dis. | 190 |
| diui hoc audite parumper: | |
| Vt pro Romano populo prognariter armis | |
| Certando prudens animam de corpore mitto, | |
| <Sic> | |
| Aut animo superant atque asp . . . rima | 195 |
| fera belli spernunt | |
| stolidum genus Aeacidarum: | |
| Bellipotentes sunt magis quam sapientipotentes | |
| Quo uobis mentes, rectae quae stare solebant | |
| Antehac, dementes sese flexere †uia | 200 |
| sed ego hic animo lamentor | |
| Orator sine pace redit regique refert rem | |
| Tum cum corde suo diuom pater atque hominum rex | |
| Effatur | |
| Vertitur interea caelum cum ingentibus signis | 205 |