EPIGRAMMATA
Gel. N.A. 19.9.14
Aufugit mi animus; credo, ut solet, ad Theotimum 1.1
  devenit. Sic est, perfugium illud habet.
Quid, si non interdixem, ne illunc fugitivum
  mitteret ad se intro, sed magis eiceret?
Ibimus quaesitum. Verum, ne ipsi teneamur 5
  formido. Quid ago? Da, Venus, consilium.
Cic. N.D. 1.79
Constiteram exorientem Auroram forte salutans, 2.1
  cum subito a laeva Roscius exoritur.
Pace mihi liceat, caelestes, dicere vestra:
  mortalis visus pulchrior esse deo.