| XVIIIB | |
| * * * | 2.18b.4a |
| quid mea si canis aetas candesceret annis, | 5 |
| et faceret scissas languida ruga genas? | |
| at non Tithoni spernens Aurora senectam | |
| desertum Eoa passa iacere domost: | |
| illa deos currum conscendens dixit iniquos, | 13 |
| invitum et terris praestitit officium; | |
| illum saepe suis descendens fovit in ulnis, | 9 |
| nec prius abiunctos sedula lavit equos; | 10 |
| illum ad vicinos cum amplexa quiesceret Indos, | |
| maturos iterumst questa redire dies. | |
| cui maiora senis Tithoni gaudia vivi | 15 |
| quam gravis amisso Memnone luctus erat. | |
| cum sene non puduit talem dormire puellam | |
| et canae totiens oscula ferre comae. | |
| at tu etiam iuvenem odisti me, perfida, cum sis | |
| ipsa anus haud longa curva futura die. | 20 |