| Vinum ex marruuio | |
| Vinum marruuii multi utile putant ad omnia intestina uitia et | 12.32.1.1 |
| maxime ad tussim. cum uindemiam facies, marruuii caules teneros | |
| maxime de locis incultis et macris legito eosque in sole siccato, | |
| deinde fasciculos facito et tomice palmea aut iuncea ligato et in | |
| seriam mittito, ita ut uinculum extet. in musti dulcis sextarios cc | 5 |
| marruuii libras octo adicito, ut simul cum musto deferuescat; postea | |
| eximito marruuium et purgatum uinum diligenter oblinito. |