VERSUS POPULARES IN CAESAREM ET SIMILIA
Suet. Iul. 49
Gallias Caesar subegit, Nicomedes Caesarem. 1.1
Ecce Caesar nunc triumphat, qui subegit Gallias,
Nicomedes non triumphat, qui subegit Caesarem.
Suet. Iul. 51
Urbani, servate uxores: moechum calvom adducimus. 2.1
Aurum in Gallia effutuisti, hic sumpsisti mutuum.
Suet. Iul. 80
Gallos Caesar in triumphum ducit, idem in curiam: 3.1
Galli bracas deposuerunt, latum clavum sumpserunt.
Brutus, quia reges eiecit, consul primus factus est; 4.1
hic, quia consules eiecit, rex postremo factus est.
Vell. 2.67.3
De germanis, non de Gallis duo triumphant consules. 6.1
Gel. N.A. 15.4.3
Concurrite omnes, augures, haruspices! 7.1
Portentum inusitatum conflatum est recens:
nam mulas qui fricabat consul factus est.
Festus 285M
Non te peto, piscem peto; quid me fugis, Galle? 8.1