| FRAGMENTA | |
| Serv. A. 12.159 | |
| balneatricem. | 2.1 |
| Ps.Acro Hor. Epod. 5.48 | |
| pollice usque ad periculum roso. | 3.1 |
| Prisc. GL 2.381 et 2.567 | |
| animam nostro amplexam pectore. | 5.1 |
| Boeth. Isag.Porph.comm. 2.32 | |
| matutinus sol tectis arrisit. | 5b.1 |
| Fulg. Virg. cont. 98sqH | |
| Cerberus forensis erat causidicus. | 8.1 |
| Fulg. serm. antiq. 42 | |
| postquam ferculum allatum est. | 9.1 |
| Fulg. serm. antiq. 46 | |
| obtorto valgiter labello. | 10.1 |
| Fulg. serm. antiq. 52 | |
| nam contubernalem alucitae molestabant. | 11.1 |
| Fulg. serm. antiq. 60 | |
| tot regum manubies penes fugitivum repertae. | 12.1 |
| Fulg. serm. antiq. 61 | |
| in aumatium memet ipsum conieci. | 13.1 |
| Isid. Orig. 5.26.7 | |
| quid est, | 14.1 |
| iudices, dolus? nimirum ubi aliquid factum est quod | |
| legi dolet. habetis dolum, accipite nunc malum. | |
| Gloss. S. Dionysii | |
| petauroque iubente modo superior <modo infe- | 15.1 |
| rior>. | |
| satis constaret eos nisi inclinatos non | 16.1 |
| solere transire cryptam Neapolitanam. | |
| Ter. Maur. 2493sqq GL 6.399K | |
| Memphitides puellae | 19.1 |
| sacris deum paratae. | |
| . . . | |
| tinctus colore noctis | |
| manu puer loquaci. | 5 |
| Mar. Victor. GL 6.138K | |
| Aegyptias choreas. | 19a.1 |
| Ter. Maur. 2862sqq GL 6.409K | |
| triplici vides ut ortu | 20.1 |
| Triviae rotetur ignis | |
| volucrique Phoebus axe | |
| rapidum pererret orbem. | |
| Diom. GL 1.518K | |
| anus recocta vino | 21.1 |
| trementibus labellis. | |
| Serv. C. Don. GL 4.423K | |
| hic Quirites. | 22.1 |
| Gr. inc. dub. nom. GL 5.578K | |
| freta Nereidum. | 23.1 |
| Hieron. Ep. 130.19 | |
| non bene olet qui bene semper olet. | 24.1 |
| Fulg. Myth. 2.6 (45H) | |
| qui voltur iecur intimum pererrat | 25.1 |
| pectusque eruit intimasque fibras, | |
| non est quem lepidi vocant poetae, | |
| sed cordis <mala>, livor atque luxus. | |
| Anth.Lat. 690 | |
| sic contra rerum naturae munera nota | 26.1 |
| corvus maturis frugibus ova refert. | |
| sic format lingua fetum cum protulit ursa, | |
| et piscis nullo iunctus amore parit. | |
| sic Phoebea chelys †victo resoluta parentis | 5 |
| Lucinae tepidis naribus ova fovet. | |
| sic sine concubitu textis apis excita ceris | |
| fervet et audaci milite castra replet. | |
| non uno contenta valet natura tenore, | |
| sed permutatas gaudet habere vices. | 10 |
| Anth.Lat. 466 | |
| primus in orbe deos fecit timor, ardua caelo | 27.1 |
| fulmina cum caderent discussaque Maenala flammis | |
| atque ictus flagraret Athos, mox Phoebus ad ortus | |
| lustrata devectus humo lunaeque senectus | |
| et reparatus honos, hinc signa effusa per orbem | 5 |
| et permutatis distinctus mensibus annus. | |
| profecit vitium iamque error iussit inanis | |
| agricolas primos Cereri dare messis honores, | |
| palmitibus plenis Bacchum vincire, Palemque | |
| pastorum gaudere manu. †nutat obrutus omnis† | 10 |
| Neptunus demersus aqua, Pallasque tabernas | |
| vindicat. et voti reus et qui vendidit orbem, | |
| iam sibi quisque deos avido certamine fingit. | |
| Anth.Lat. 476 | |
| nam citius flammas mortales ore tenebunt | 28.1 |
| quam secreta tegant. quicquid demittis in aurem, | |
| effluit et subitis rumoribus oppida pulsat. | |
| nec satis est vulgasse fidem: cumulatius exit | |
| proditionis opus famamque onerare laborat. | 5 |
| sic commissa verens avidus reserare minister | |
| fodit humum regisque latentes prodidit aures; | |
| concepit nam terra sonos calamique loquentes | |
| incinuere Midam, qualem narraverat index. | |
| Anth.Lat. 650 | |
| fallunt nos oculi, vagique sensus | 29.1 |
| oppressa ratione mentiuntur. | |
| nam turris, prope quae quadrata surgit, | |
| detritis procul angulis rotatur. | |
| Hyblaeum refugit satur liquorem, | 5 |
| et naris casiam frequenter odit. | |
| hoc illo magis aut minus placere | |
| non posset, nisi lite destinata | |
| pugnarent dubio tenore sensus. | |
| Anth.Lat. 651 | |
| somnia, quae mentes ludunt volitantibus umbris, | 30.1 |
| non delubra deum nec ab aethere numina mittunt, | |
| sed sibi quisque facit. nam cum prostrata sopore | |
| urguet membra quies et mens sine pondere ludit, | |
| quicquid luce fuit, tenebris agit. oppida bello | 5 |
| qui quatit et flammis miserandas eruit urbes, | |
| tela videt versasque acies et funera regum | |
| atque exundantes profuso sanguine campos. | |
| qui causas orare solent, legesque forumque | |
| et pavidi cernunt inclusum chorte tribunal. | 10 |
| condit avarus opes defossumque invenit aurum. | |
| venator saltus canibus quatit. eripit undis | |
| aut premit eversam periturus navita puppem. | |
| scribit amatori meretrix, dat adultera munus . . . | |
| et canis in somnis leporis vestigia latrat | 15 |
| [in noctis spatium miserorum vulnera durant]. |