| Tria praemia divitis sacerdotis | |
| Sacerdos tria praemia accipiat. Viro forti praemium. Dives | 304.pr.1 |
| sacerdos inimici pauperis filium sacrilegum uno praemio liberavit. | |
| Eundem in adulterio damnatum secundo praemio absolvit. Bello patriae | |
| pauper fortiter fecit, filius ille deseruit. Vult eundem tertio praemio | |
| sacerdos liberare; petit praemio vir fortis pater ut occidatur. | 5 |
| DECLAMATIO | |
| Utra lex antiquior? Belli utique prior: sacerdotium pacis res est. Tua | 1.1 |
| ad unum pertinet, haec ad omnes. Mihi lex debet, tu legi. Utrius legis | |
| hoc tempus? * * * Ego dignior sum praemio quam tu: me viro forti contigit | |
| victoria, te sacerdote admissum sacrilegium. Hactenus de personis: | 2.1 |
| transeamus ad optionem. Ego hodie primum opto, tu bis optasti; et ego | |
| melius opto desertoris mortem quam tu vitam sacrilegi. Sacerdos, castra | |
| vindico: disce tu vindicare templa. Quid si contra legem petis? Unius | |
| vitam iam ter optasti. 〚Comparavi publicas personas; nunc †comparem†. | 5 |
| Tu optas numquam nisi de alieno, ego de meo.〛 | |
| Quamquam quid mihi cum lege, dum ne veniat adulter ille, ille sacri- | 3.1 |
| legus, ille desertor in penates meos? Sciet quanto meliore patre natus sit | |
| quam inimico. Armiger, da gladium: vindicabo ego illum maritum, | |
| vindicabo templum. Legem habeo et viri fortis et patris. Innocentem | |
| filium habui ante huius sacerdotium: sub isto primum expilata templa. | 5 |
| Furorem hoc iuvenis mei putabam: fiducia erat. Multum est, dives, | 4.1 |
| colere templa: plus tamen †sustinere†, incendere hostium templa. Cur | |
| enim, si quicquam tua vota proficiunt, cliens tuus deseruit? Mihi debetur | |
| praemium quod petiero: possum et tuam mortem, possum tibi auferre | |
| sacerdotium. | 5 |