| SERMO | |
| Hic subici poterit et locus in quo laudemus hanc legem. | 324.3.1 |
| DECLAMATIO | |
| Praeterea et alioqui iustius est sacrilegi bona pertinere ad templum | 4.1 |
| quam damnati ad accusatorem. Quare? Quoniam in sacrilegio propria | |
| templi iniuria est, in damnatione rei alienum crimen. Ita illic praemium | |
| est, hic solacium; illic datur ista pecunia, hic quodammodo redditur. | |
| Haec comparatio esset si ipsas leges committeremus; nunc nostra et | 5.1 |
| tempore prior est. Ante enim commisit sacrilegium quam caedem. Ac- | |
| cusator hoc nititur, quod ante damnatus sit caedis quam sacrilegium | |
| confessus sit. Non est autem intuendum quo tempore aperuerit se culpa | |
| sed quo tempore commissa sit, quo tempore hanc poenam de qua | 5 |
| quaeritur ille meruerit. Id cum ipsa natura iustum est, tum etiam legibus | 6.1 |
| apertum. In caede enim spectanda sit damnatio, in sacrilegio tempus | |
| ipsum intuendum. Quare? Quoniam lex tua ita scripta est ut qui | |
| damnaverit bona possideat [possidere non potes], lex mea ita scripta est | |
| ut bona sacrilegi ad deum pertineant. Statim ergo ut fecit sacrilegium | 5 |
| devotus huic poenae est, et ante ista bona ad deum pertinere coeperunt | |
| quam lex damnaret. Vide quantum recedas ab intellectu iuris huiusce. | 7.1 |
| Si caedem ante sacrilegium commisisset, tamen †quoniam† postea caedis | |
| damnatus esset, ad deum potius pertinerent. Non enim prodesset tibi | |
| quod prius caedis tempus esset, quoniam lex tua non ad caedem sed ad | |
| damnationem pertinet. Nunc vero, cum sacrilegium ante commissum | 5 |
| sit quam caedes, non est dubium quin bona ista templi sint. | |
| 'At enim praemium mihi debetur. Meo enim beneficio et sacrilegium | 8.1 |
| illud inventum est.' Immo hercule etiam illa caedes beneficio suo: ex quo | |
| semel manus inquinavit, insecutae sunt illae protinus furiae, ut hunc | |
| hominem palam occideret, ut reus deferretur, ut damnaretur, ut | |
| torqueretur, ut confiteretur. An vero tu illum, quod sacrilegium a se | 9.1 |
| commissum esse dixit, praestitisse ignibus quos nos subiecimus aut | |
| flagellis putas? Nihil illa tormenta ad confessionem sacrilegii pertinebant, | |
| non de hoc torquebatur. Numen erat profecto, numen illud quod | |
| subiceret faces, quod acrioribus stimulis agitaret. Vos de caede tor- | 5 |
| quebatis, ille de sacrilegio confitebatur. |