| Bona sacrilegi | |
| Qui reum caedis damnaverit, bona eius possideat. Sacrilegi bona | 324.pr.1 |
| templo consecrentur. Damnatus caedis cum torqueretur, dixit et | |
| sacrilegium a se commissum. Ambigitur de bonis: sacerdos templo | |
| vindicat, accusator sibi. | |
| DECLAMATIO | |
| Antequam leges comparamus, intueri personas libet. Nos nullam | 1.1 |
| habemus in litigando propriam cupiditatem: non adquirimus nobis, | |
| petimus bona templo, petimus honorem deo. Adversarius sibi vindicat | |
| et in praemium operae suae deposcit; ostendit quare accusaverit. | |
| Quemadmodum personas comparavimus, ita comparemus et leges. | 2.1 |
| Idem demus utrique tempus, eandem utrique legi causam, ipsae tamen | |
| etiam citra defensiones non parem rationem habent: scripta est altera | |
| deo, altera homini. Aequum est priorem esse rationem religionis. |