| Sterilis trium noverca | |
| Introducta tribus privignis sterilitatis medicamentum bibit. Repudiata | 327.pr.1 |
| iniusti repudii agit. | |
| DECLAMATIO | |
| Quod primum pertinet ad pudorem huius feminae, non adulterium | 1.1 |
| obicitur, non aliqua adversus maritum licentia. Necesse est plurimum | |
| eius moribus tribuat ex qua liberos quaerit. Omnis repudii causa in | 2.1 |
| crimine uno consistit. Hoc quale sit, postea videbimus; interim, unum | |
| est. In quo mortalium tanta felicitas? Nec de femina loquor, cuius in- | |
| firmior sexus est, sed in ipsis etiam qui prudentia sapientiaque gloriari | |
| solent habet locum paenitentia. Sed <hoc> unum sane sit grave, sit | 3.1 |
| scelestum (et hercule credibile erit in ea quae tres privignos habuit): | |
| expecto ex his aliquid novercalibus factis. Venenum paravit, insidiata | |
| est liberis tuis, vel, quod levissimum est, expugnare animum tuum | |
| voluit? Nihil horum. Novum et inauditum antea crimen: noverca | 5 |
| nimium dicitur amare privignos. | |
| 'Sterilitatis medicamentum bibit.' Si tu liberos non haberes, poteram | 4.1 |
| tamen illa dicere: periculum timuit, documentis quarundam infeliciter | |
| parientium mota est, fortasse male sensit de temporibus ipsis, vidit eam | |
| luxuriam, ea vitia, ut paene educare liberos amentis esset. Tu porro in | |
| uxore nihil aliud expectas quam fecunditatem? 'Non parit.' Sed ob- | 5 |
| sequium, sed fidem praestat. Sed iam tempus est propriis eam rationibus | 5.1 |
| defendi. Bibit illud cum tres liberos haberes. Nec statim hoc amore et | |
| adfectu defendo; interim tamquam ambitiosam tuebor. Voluit effugere | |
| fabulas novercarum, voluit se adversus casus etiam praeparare, †illam† | |
| nihil in domo habere propter quod privignis invideret. Quid si fecit hoc | 6.1 |
| non modo novercae sed etiam uxoris optimae animo? Plenam invenerat | |
| domum, plenum testamentum. 'Quid mihi' inquit 'cum partu erat? | |
| Dederat mihi fortuna iuvenes; neque maritus eius aetatis est ut con- | |
| cupiscere novos liberos possit. Ne fraternitatis quidem eadem iura futura | 5 |
| erant inter tam dissonantes tamque discordes.' At nunc expellitur et, | 7.1 |
| quoniam bona fuit noverca, nec liberos habitura est nec virum. |