| SERMO | |
| Hoc est illud commune, ut dicebam vobis, cum scripto et voluntate. | 331.19.1 |
| DECLAMATIO | |
| Sed fingamus, ut has demus delicias, ut simili lege utendum sit. Quid | 20.1 |
| hic simile dixit? Nam illa lege aliud genus actionum, alium quaesitorem, | |
| non eadem tempora, <nomina> non paria. 'Sed periculum par.' Hoc si | |
| fit actione iniuriarum, sane aliquam similitudinem habere videatur. | |
| Interrogo enim te, [an] si ego, qui tecum iniuriarum egi, semel | 5 |
| obiecissem tibi hoc idem crimen et tu antea damnatus non esses, num | |
| capite fueris periclitaturus. Non, ut opinor. Non ergo ego feci ut tu | |
| capite periclitareris, sed illi qui te ante bis damnaverunt. Neque enim | 21.1 |
| senectutem adfert summus dies, sed longus ordo vitae, nec ebrietatem | |
| facit illa potio post quam concidendum est, sed tempestivum convivium | |
| et aviditas nimia. Non ergo mea actione effectum est ut periclitareris, | |
| sed illis actionibus quibus iam damnatus es. | 5 |
| 'Sed absolutus sum' inquit 'tertio.' Viderimus quantum hoc ad gloriam | 22.1 |
| tuam pertineat; interim, damnatus es saepius. Etenim de petulantia tua | |
| hoc illi primi iudices senserunt, hoc secundi senserunt; nunc absolutus | |
| es. Nihil de religione eorum qui pronuntiaverunt querar; erant tamen | |
| quae te adiuvarent. Non illud dicebatur in iudicio: 'non est hic talis in | 23.1 |
| quo petulantia credenda sit: modestos mores habet, nemini umquam | |
| fecit iniuriam', sed dicebatur illud: 'Non iam iniuriarum petitur ultio: | |
| capite periclitaturus est. Etiamsi quid commisit, satis tamen poenarum | |
| dedit.' Ipsa hac sollicitudine circumscripsisti misericordiam iudicum, | 5 |
| si alterum occisuri erant. |