| SERMO | |
| Natura rei fortasse hoc ferat, ut hic pater, quem filius reum vult facere, | 346.1.1 |
| irascatur, atque eo magis irascatur quod de filio bene meruit non tantum | |
| generando sed etiam dando in adoptionem. Sed non semper sequendi | |
| sunt adfectus, et plerumque consilium his praeponendum est. Hic enim | 2.1 |
| pater, etsi revera irascitur, dissimulare hoc debet, et agere mitem, | |
| indulgentem. Nam cum praescribat, hoc adprobare debet iudicibus, | |
| idcirco praescribere se ne cum filio gravius contendat; alioqui, si haec | |
| causa praescribendi non est, supererit ut diffidentia videatur in causa. | 5 |
| DECLAMATIO | |
| 'Cum patre actio ne qua sit nisi dementiae.' Alio crimine me reum | 3.1 |
| fieri manifestum est. Nemo dubitabit quin id hac lege non liceat, si ego | |
| pater sum. Atqui ne de eo quidem dubitari poterit, quin pater sim. An | |
| hoc negas me esse qui genuerim, qui educaverim, et, ut aliquod | |
| argumentum ex eo ipso quod contra me ponitur ducam, me esse qui | 5 |
| dederim in adoptionem? Si haec parum firma sunt, lege testamentum | 4.1 |
| quo tutorem accepisti: patrem tibi tutorem dedit. 'At enim dando in | |
| adoptionem ius omne translatum est' * * * |