| SERMO | |
| A parte divitis color ille introduci potest, ut dicatur pauper fuisse | 364.1.1 |
| factiosus aut turbulentus; habuisse eiusmodi furoris sui comites, quibus | |
| <in> insidiis dispositis ipse tantum ad concitandam rixam se ostenderet, | |
| ceterum illos in praesidio haberet si quid forte dives moliretur. (Et hoc | 2.1 |
| ipsa rei condicio monstrat, cum sit incredibile pauperem solum et | |
| praeterea nocte ad convicium diviti faciendum venisse. Quare enim die | |
| tacuit? Quare in foro non maledixit? Apparet illum noctem expectasse | |
| quo facilius comites absconderet.) Paratum ergo ad rixam cum telo | 3.1 |
| venisse. Divitem nihil tale suspicatum, magis insanire credentem, dedisse | |
| qui deducerent. Tunc vero pauperem quasi custodia excanduisse; | |
| accessisse et ceteros eius conscios, qui, dum eripere pauperem vellent, | |
| rixam concitaverint, et fortasse illum pauperem silentio occiderint, ne | 5 |
| postea comprehensus pauper auctores facinoris cogeretur fateri. (Et hoc | 4.1 |
| dubie ponendum est; quae constitutio in reliqua quoque causae parte | |
| servanda est. Nihil enim pro certo adfirmare debemus, sed tantum | |
| suspicionem iudicum a nobis alio praevertere.) Ergo ab illis videri factam | |
| caedem qui adhuc beneficio temporis latent; divitem super damna | 5 |
| patrimonii et tot servorum caedem reum esse. |