| Luxuriosi pater fortis | |
| Luxuriosi pater fortiter fecit. Praemium non optavit ex lege. Dementiae | 367.pr.1 |
| reus fit a filio. | |
| DECLAMATIO | |
| Dementiae reo quid obicis? Usitata fortasse crimina: tractas per | 1.1 |
| publicum vestes, non reddita salutantibus nomina, non discretos ab | |
| inimicis amicos, aut dissipata luxuria bona et aliena aetati vitia? Habet | |
| hoc crimen domus nostra, si reum mutas. An vero desidiam obicis? | |
| Bellum non sentio, hostem non intellego, patriam non vindico? | 5 |
| 'Praemium' inquit 'non optas.' Puta me rationem non posse reddere. | 2.1 |
| Non est unius criminis dementia. Ut hoc sit argumentum dementiae, | |
| infirmum est quia solum est. Deinde numquam in uno dementia | |
| deprehenditur: obice et alia. Sed quid si ne hoc quidem obici potest? | 3.1 |
| Quid? tu liberalitatem dementiam vocas? Non expedit tibi, adulescens, | |
| hanc legem introducere. 'Non optas.' Age, quisquis non est avarus | |
| demens est? Varii sunt mores. Puta me nolle optare, non concupiscere | 4.1 |
| praemium: non invenio quod optare possim; deinde patriam onerare | |
| nolo bello adflictam; deinde gratuitae debent esse virtutes; deinde hoc est | |
| praemium, intueri debitorem populum. Licet differre. Permittes et tua | |
| causa: uxorem tibi opto, honores opto. 'Statim' inquit 'opta.' Ergo, si | 5.1 |
| facio, sanus sum? En crimen quod statim tolli potest? Quid vis optem? | |
| Opto statuas: vultum contrahit; dies festos: irascitur. Quid igitur? | |
| 'Pecuniam.' Et si hanc desideras, cur non fortiter pugnabas? Descende | |
| in aciem. An ego pro te pugnavi? Si perseveras in foro potius militare | 5 |
| quam in proelio, absolutionem opto: tolle iudicium. |