| Armis sepulcri victor | |
| Sepulcri violati sit actio. Quidam arma de sepulcro viri fortis, suis | 369.pr.1 |
| consumptis, sustulit; victor reposuit. Reus est violati sepulcri. | |
| DECLAMATIO | |
| Potui infitiari quod obicitur. Detracta arma dicis? Nego. Mentior? | 1.1 |
| Eamus in rem praesentem. Adnumerare volo; si quicquam defuerit, | |
| damnari volo. Sed non corrumpam gloriam meam ut dissimulem propter | |
| quod vir fortis honoratus sum. Sed quid faciam? Non licet mihi ista | |
| narrare: instat livor, et id quo salvus est odit. | 5 |
| 'Sepulcrum' inquit 'violasti.' Non utcumque attingitur sepulcrum | 2.1 |
| violatur: alioqui nec inferre mortuos licet nec conlapsa reficere nec | |
| ornare. Aut, si utcumque attingitur violatur, bis ego peccavi, et cum | |
| sustuli et cum reposui. Sed non ita est. Et mens absolvitur. Sic Romani | |
| gloriose spoliarunt Iovem, sic Saguntini fecerunt parricidium. Si ergo | 5 |
| mens in factis spectatur, meam inspicite. Quare violo? Inimici sepulcrum | 3.1 |
| est? Immo etiam commilitonis, amici. (Credibile enim est similes pro- | |
| positis amicos fuisse.) Deinde, ut etiam vivo nocere voluerim, mortuo | |
| tamen parcendum est. Deinde, quo tempore? Bello, inter pericula odiis | |
| vacua. Sed quid sustuli? Aurum, credo, aut defossam pecuniam. 'Arma.' | 5 |
| Ista virtutis instrumenta, non sceleris sunt pretia, quibus praemia merui. | |
| Nisi ista sustulissem, non accusasses: non haberes leges. Sustuli, con- | 4.1 |
| fiteor, sed publicae salutis causa. Miraris? Ipsorum sepulcrorum ruina, si | |
| possem, hostem repellerem: tecta in subeuntes et sacra, quin etiam | |
| templorum fastigia desperantium tela sunt. Certum est omnia licere pro | |
| patria. | 5 |
| Denique vos interrogo: quid faciam? Magna pars exercitus in me | 5.1 |
| cessat. Armati sunt interim etiam inertes, etiam mortui: solus nudus | |
| steti. Quamquam quid quaero? Habeo sententias vestras: honorastis, et | |
| sciebatis his me armis vicisse. Nec sane aliud dedissetis consilium quam | |
| locus et tempus: visus est mihi emergere tumulo vir fortis. | 5 |