| Dives a parasito sacrilego reus caedis | |
| Pauper et dives inimici. Dives pauperem quodam tempore cum uxore | 379.pr.1 |
| occisum adulterii crimine in publicum abiecit. Postea dimissus ab eo | |
| parasitus, in sacrilegio deprehensus, e lege tortus inter alia dixit a divite | |
| pauperem illum inimicum iniuria occisum. Dives caedis reus est. | |
| DECLAMATIO | |
| Reo caedis quid obicitur? Petulantia, improbitas, circumscriptio? Ista | 1.1 |
| ne pauper quidem obiecit: nec potuit latere ante acta vita sub eiusmodi | |
| inimico, quem usque eo vehementem dicitis ut mea manu esset | |
| iugulandus. | |
| Sed inimicum occidi. Quem? Pauperem, qui nihil in curia, nihil in | 2.1 |
| contione poterat. Inimici sunt ex pari. Sed puta inimicum fuisse: statim | |
| ad caedem confugiendum est? Verborum contentiones armis finiuntur? | |
| Etiam hostibus parcitur: Caesar Catoni voluit ignoscere. Deinde mea | 3.1 |
| manu occido? Tam efferati animi sum? Non venenum est, non percus- | |
| sor? Et dives sum. Deinde cum uxore? Ne illi quidem parco? Deinde | |
| quemadmodum? Rapio de publico? Non clamat, non Quiritium fidem | |
| invocat? Et tanti facinoris parasitum conscium advoco, et eundem postea | 5 |
| eicio? Non timeo indicem? | |
| 'Quemadmodum ergo' inquit 'uxorem corrupit?' Alieni facti rationem | 4.1 |
| a me exigis. Qui scio an hoc genere vindicare se voluerit qui aliter non | |
| poterat? 'Pauper' inquit 'fuit.' Quasi tantum pretiis mulieres cor- | |
| rumpantur, praesertim divites: immo inlecebris et blanditiis magis | |
| capiuntur. Utique, si quis domesticorum adiuvit, per parasitum factum; | 5 |
| et ideo eiectus, ideo a nullo receptus, quod eum laesisset a quo liberalis- | |
| sime exceptus est. | |
| 'At enim dixit parasitus.' Primum unus testis est, deinde parasitus. | 5.1 |
| 'Tortus dixit.' Eo minus credo: mentiuntur plerumque torti. Deinde hic | |
| habuit mentiendi causam, quod expulsus est, quod sacrilegium propter | |
| inopiam admisit. Adstiti praesens: inde ille exarsit validius, et fefellit. | |
| Hinc reus factus sum. | 5 |