| Iphicrates cum gladio | |
| Reus est Iphicrates quod vim iudicio fecerit, cum Cotyn Thracum regem | 386.pr.1 |
| in id adduxisset et gladio cinctus ipse venisset. | |
| DECLAMATIO | |
| Non tulimus tabellas, sed fugientes proiecimus; non iudices reum | 1.1 |
| absolverunt, sed reus iudices. Quid est vis? Haec fit alias patientia, alias | |
| metu: quorum alterum ad corpus, alterum ad animum pertinet. Si male | |
| iudicatum est, fuit aliquid quod iudex timeret. Hoc sic probo: qualis in | |
| iudicium venis? Ego illum habitum reorum noveram. Ad summam, id | 5 |
| solent rei a iudicibus petere quod nuper iudices petiere a reo, ut sibi | |
| parceret. |