| SERMO | |
| Haec circa ius, illa circa aequitatem. Qui quadruplum ab infitiatore | 245.4.1 |
| petit, illa dicere solet: 'Oportet poenam esse avaritiae et adfici supplicio | |
| cupiditates; neque enim aliter fides constare potuerit apud homines nisi | |
| metu contineantur. Depositum [hoc] eo magis vindicandum est quod | |
| fere secreta sunt citra probationem.' Non potest omnino in hoc arguere | 5 |
| avaritiam. | |
| DECLAMATIO | |
| Depositum quo tempore petisti? Luxuriosus adhuc. Si voluisset con- | 5.1 |
| fiteri habere se pecuniam, nondum tamen debebat. Non est in depositis | |
| simplex condicio. Deponitur aliquid quod quandocumque repetitur red- | |
| dendum est; deponitur aliquid in tempus. Hoc quomodo depositum | |
| erat? Ut acciperes cum luxuriari desisses. Quo tempore repetebas adhuc | 5 |
| luxuriabaris. Non debebatur ergo, nec potest videri infitiatum quod eo | |
| tempore negavit quo illi extorqueri non posset vel confitenti. 'Quare | 6.1 |
| tamen negare maluit quam hoc iure uti?' Quoniam te luxuriosum spes | |
| adhuc pecuniae faciebat. An non hoc est quod te fecerit frugi? Didicisti | |
| tibi pecuniam <frugalitate> et labore servandam. | |
| At mehercule vereor ne cito obtulerit. Sine dubio tu discussam luxu- | 7.1 |
| riam vis probare avaritia; at haec ipsa accipiendae pecuniae fames alias | |
| videtur prodere cupiditates. Satis erat homini frugi quod accepisti. Ita- | |
| que et alias quoque condiciones frugalitati tuae ponit amicus paternus: | |
| si vixeris quomodo videris fecisse, si tenendi potius patrimonii quam | 5 |
| auferendi habueris curam, est adhuc quod tibi possit tribuere patri- | |
| monium paternum; sed adhuc habet suum. |