| Soporatus fortis privignus | |
| Qui fortiter fecerat, bello imminente, soporem ab noverca subiectum | 246.pr.1 |
| bibit. Causam dixit tamquam desertor. Absolutus accusat novercam | |
| veneficii. | |
| DECLAMATIO | |
| Etiamsi, iudices, eventus proximae causae satis videri potest etiam in | 1.1 |
| hanc quoque pronuntiasse, primum tamen doloris mei professionem | |
| dissimulare non possum, quod novercam ante accusare non potui. Debeo | |
| quidem sententiis iudicum omnia; homo tamen gravissimam iniuriam | |
| passus adhuc tantum absolutus sum. Verum me quamvis praecipue in | 5 |
| hoc iudicium agat ultio †talis illud quidem periculum fallit† hodie con- | |
| stituetis an merito absolutus sim. Inter summa discrimina rei publicae | |
| †non fuit venenum† * * * ego deserui. Si quid autem ad hanc praeteritorum | 2.1 |
| indignationem adicere etiam forma ipsa iudicii potest, illud certe est | |
| quod nulla possit tolerare patientia, quod se mihi contendit noverca | |
| beneficium dedisse. Vos aestimabitis quid de persona hac sentiatis: non | |
| fecisset hoc mater; certe, quod mihi satis est, pater non fecit. | 5 |