| SERMO | |
| Haec de iure; illa iam de circumscriptione huius sponsoris. | 273.13.1 |
| DECLAMATIO | |
| Ego fortiter spopondi sine periculo pro eo homine qui bona habebat. | 14.1 |
| Tu quousque avaritiam perduxisti? Parum est faenerare civibus? Sine | |
| aliqua tua fraude factum videbitur ut qui aliena pecunia utebatur | |
| incideret in hoc potissimum adulterium? Sed inciderit sane (neque enim | |
| mihi causa pro illo hodie dicenda est): quod protulisti habes, et plus | 5 |
| quam protulisti habes. Est quod in rationes tuas tamquam creditor | |
| referas; est quod in lucrum tamquam maritus referas. |