| Cynicus diserti filius | |
| Disertus Cynicum filium abdicat. CD. | 283.pr.1 |
| DECLAMATIO | |
| In quacumque parte non parentem iuste abdicarem; ideo enim vos | 1.1 |
| sustulimus ut nobis obsequamini, et certe nullus excusatius a patre non | |
| probabitur quam qui non probat patrem. Scilicet nos stulti qui forum, | |
| rei publicae dignitatem tuemur. Discede ab insipiente, ab insano. | |
| Sed non necesse habeo, iudices, diu commendare vobis officia civilia, | 2.1 |
| in quibus iam diu satisfeci; omnis mihi actio in dispicienda vita filii posita | |
| est. Videte, ut alia taceam, habitum ipsum. Ceteros enim quos abdicant | |
| patres sine narratione culpae abdicare non possunt: in hoc filio satis est | |
| ad odium habitum ostendere. Quis est iste filii habitus, quae sordes? | 5 |
| Quid mihi hanc invidiam facis, ut, cum habeas patrem, cibum ab aliis | |
| petas? Adversus fortunam te exerces? Quid enim accidere gravius potest? | 3.1 |
| Frigus, famem pateris ne quando accidant, et ideo aliquid pateris ne | |
| quando patiendum sit? Vos vero novo genere ambitus adorationem | |
| miseria captatis. Inde illa impudentia, quod verecundiam inter crimina | |
| ponitis et appellatione quoque pessima perdidistis. Omnis vero philoso- | 4.1 |
| phiae tractatus alienus moribus nostrae civitatis est. Tamen utique | |
| placuerit: nonne aliae sectae iustiores? Attenderes physicis, quaereres | |
| utrumne ignis esset initium rerum an vero minutis editus et mobilibus | |
| elementis, perpetuus hic mundus an mortalis esset. Viderint alii: ego in | 5 |
| te hanc patientiam corporis ferre non possum. In alias te spes sustuli; de | |
| dignitate tua cogitabam. | |
| Quod si abdicationem ferre non potes, si carere hereditate malum | 5.1 |
| iudicas, deprehensus es: damno pecuniae moveris et detrimento famae, | |
| et homo qui has ipsas opes cotidie incusas tamen concupiscis. Dignus | |
| es igitur * * * †verum†. Fateamur ea quae sentimus, nec nos extra rerum | |
| naturam ambitus ponat. Cuius enim est hominis pugnare cum moribus | 5 |
| et damnare se? |