| SERMO | |
| Custodienda est amici persona, ut, quamquam de re nefaria, non | 289.1.1 |
| tamen sine respectu amici loquatur, et actione tota misereatur illius, illud | |
| vero quod perît laudet, et magis desperatione eum fecisse dicat quam | |
| cogitatione turpissimi amoris. | |
| DECLAMATIO | |
| Antequam dico quo crimine reus sim, dicendum est cui dicar fuisse | 2.1 |
| causa mortis. Periit amicus meus. Non esse hoc vulgare nomen ipse | |
| monstravit. Hunc igitur occidisse dicor, nulla lucri spe (nam filiam | |
| relinquebat), nulla offensa (nam et illam mihi credidit, et ego nihil feci | |
| extra praeceptum). Quidquid est igitur quod obicitur mihi ex bona | 5 |
| mente proficiscitur. Videamus tamen an, ubi animus accusari non debet, | |
| ius haereat. | |
| Quaeritur quis sit causa mortis. Accusator dicit: per quem factum sit | 3.1 |
| ut aliquis moreretur 〚si quis quod natura mortiferum sit adversus | |
| aliquem fecerit〛. Quae si sequenda definitio est, accusabitur et ille qui | |
| alicui suaserit peregrinationem, deinde is aut naufragio perierit aut latro- | |
| cinio, ipsi convictus infamabuntur ex quibus cruditas et interitus. Nihil | 5 |
| igitur hic factum est quod omnibus mortiferum. Nam sicut telum | |
| omnibus mortiferum est, ita causa mortis est quae occidit omnes. | |
| Detrahe huic amorem: nihil erit propter quod moriatur. | |
| Volo tamen causam facere difficiliorem. Non deposuerit apud me | 4.1 |
| filiam, nihil praeceperit; tamquam melior amicus defendere filiam in qua | |
| pater furebat volui: non enim amor erat qui sic stimulabat. Abduxi, | |
| custodivi, 〚nonne recipere non debuit qui periit quod non recepit?〛 non | |
| reddidi. Duxisset in ius, per iudicem peteret. Hoc si fecisset, mea laus | 5 |
| erat. Sed libenter cedo: ipse fecit rem admirabilem, fecit ut in laudem | 5.1 |
| verteret hoc ipsum, quod turpiter amabat. Quem tum enim illi animum | |
| fuisse putatis cum in illo furore tenuit tamen adfectum patris? Perduxit | |
| ad amicum, deposuit. 'At enim petivit postea.' Si animum illius metiri | 6.1 |
| velimus, intellegemus non fuisse petiturum nisi quod sciebat me non | |
| redditurum: secutus est illum impetum animi sui. 'At enim petiit.' | |
| Adice recepta sanitate, et non accepisset: ne peteret deposuerat. | |
| Haec satis plena defensio esset 〚si qua ego divinatione colligere potuis- | 7.1 |
| sem utique periturum si non reddidissem〛: decepit me quod ante fortius | |
| tulerat. Neque enim ego hoc dico, redditurum me fuisse si periturum | |
| patrem scissem: optime partes amici custodissem si non reddidissem. |