| Tyrannus victae civitatis | |
| Viro forti praemium. Quidam fortiter fecit. Petit praemio tyrannidem | 293.pr.1 |
| victae civitatis. | |
| DECLAMATIO | |
| Omnia danda esse viris fortibus dico: nec inmerito danda, utique ex | 1.1 |
| victis. Non aerarium inquieto, non sacerdotium rapio: peto ut sint | |
| hostes in mea potestate. Ac primum omnium interrogo: quis est iste qui | |
| prohibet? Iuste peterem etiam eversionem hostium: †ac tum nescio quis | |
| iste non stetit in acie† illi si vicissent, tyrannide se vindicarent. Sic agere | 2.1 |
| volo tamquam futurus crudelis: meruerunt. Vindicari potestis sine | |
| invidia: de me querantur, cui aliquid iam irascuntur. Tyrannidem | |
| imponere volo. Asperiora narrabo: plurimos ex illa civitate manu hac | |
| occidi. Sed numquid vobis videor avarus, libidinosus? Aliter crevi. | 5 |
| Eadem ergo ratione hoc peto qua fortiter feci. Sic praesidia imponemus: | |
| tamdiu tyrannus ero quamdiu poterunt rebellare. |