| SERMO | |
| In summa parte paene irate dicit hic accusator. Nam subinde inter- | 294.7.1 |
| ponit: 'si vultis, †si† vestra interest; quid ad me, qui periturus sum?' | |
| DECLAMATIO | |
| Vos suadeo caveatis, et suadeo permittatis dum volo: merueratis enim | 8.1 |
| ne vellem. Caputne meum tam cito donastis? Tam facile innocens | |
| occisus est in ea civitate in qua sibi putat aliquis tam facile posse | |
| contingere ne reus fiat? Quid est ergo? Nondum omnes exuimus | |
| adfectus; faciam vobis hanc invidiam, ut sciatis a vobis occidi bonum | 5 |
| civem. Neque enim quisquam expetet ut hoc iudicio dicam quomodo | 9.1 |
| prodiderit, quo pretio, quo tempore, quo loco. Si vultis haec audire, | |
| date diem; si ne hoc quidem impetro, non meruistis. Et hoc me mea | |
| causa non facere cui non possit esse manifestum? Expediebat alioqui | |
| mihi vivere, expediebat suspenso ac sollicito transigere haec tempora? | 5 |
| Fortius est quod differo mortem quam quod mori non recuso. |