Ad tussim veterem et destillationes et suspiria et inflationes, cum dura
habent praecordia, et lienosos et phthisicos
  Catapotium, id est medicamentum, quod non diluitur, sed 87.1
ita ut est devoratur, ad tussim, quae cum fluore est: croci pondo uncia,
myrrhae pondo sextans, opi pondo quadrans. contunditur crocum, per-
cribratur; contusae myrrhae opium admiscetur aqua exigua dilutum. post-
ea adicitur crocum, et cum in unum omnia bene mixta sunt, finguntur 5
pilulae ervi magnitudinis; dantur in noctem ternae vel quaternae.
  Catapotium alterum ad tussim aridam: myrrhae, piperis, 88.1
castorei, galbani, storacis, opii, singulorum idem ponderis. castoreum et
piper contunduntur et cribrantur, deinde myrrhae ante tritae et cretae
et ceteris contusis aeque admiscentur. ubi omnium unitas mortario facta
est, melle despumato medicamentum comprehenditur, deinde formantur 5
pilulae viciae magnitudinis; dantur ternae vel quaternae in noctem.
  Aliud catapotium ad tussim veterem, suspirium et phthisi 89.1
temptatos, lienem et iecur durum habentes; idem inflationem tollit et
purgat mulierem, si qua ex partu substiterunt: styracis 𐆖 p. VI, myrrhae
𐆖 p. II et victoriati, opopanacis 𐆖 p. II, iris Illyricae 𐆖 p. II, galbani 𐆖
p. II, resinae terebinthinae 𐆖 p. V, alterci seminis 𐆖 p. I, nitri 𐆖 p. I, pi- 5
peris albi 𐆖 p. I, opii 𐆖 p. I. irim, altercum, piper contundere oportet et
cribrare, nitrum mortario terere et cetera pilo commiscere et postea haec
eis adicere atque facere catapotia magnitudinis fabae, inde terna vel qua-
terna in noctem dare ad inflationes in ipsa distentione cum aquae calidae
cyathis tribus. 10
  Pastillus ad tussim, destillationem pectoris et pulmonis, ad epi- 90.1
phoras oculorum, vesicae dolorem, qui cum fluore consistit, ubi saepius
et non sine cruciatu urinam faciunt, item ad eos, qui sanguinem ore
eiciunt aut per urinam reddunt, ad deiectionem, tormina, gravedinem,
choleram, stomachi crebram nauseam cum vomitu sine febre, et quidquid 5
reprimere et siccare oportet, optime compescit; praeterea facit ad omnis
partis corporis dolorem praeter capitis; quin etiam si quando aliis hic
fuerit iunctus, alii vitio non erit tunc dandum hoc medicamentum. cum
autem ad omnia, quae supra dixi, manifeste prosit, tum praecipue ad
initio phthisicos bene facit: multos enim eripuit ex magno periculo inter- 10
dum bis terve datus hic pastillus. recipit haec: myrrhae troglodytis
𐆖 p. VI, croci 𐆖 p. V, opii 𐆖 p. IIII, thuris 𐆖 p. V, alterci albi seminis
𐆖 p. IIII, Apollinaris herbae radicis corticis 𐆖 p. IIII. contunditur haec
cortex sicca per se et cribratur tenui cribro, deinde crocum, postea alter-
cum, myrrha, thus, quibus miscetur opium pridie aqua maceratum; sub- 15
inde aquae exiguum adicitur, donec fingi pastilli possint pondere victo-
riati, alii tertia huius ponderis detracta. dantur in noctem ex aquae
cyathis tribus. somnum faciunt, dolorem omnem sedant, ut superius
dixi. oportet autem ex eo etiam catapotia facere: quidam enim facilius
ea quam potionem sumunt, et non multum interest. 20
  Ad eadem remissior quidem pastillus, sed non contemnendus: 91.1
croci, myrrhae, alterci, opii pondera paria contusa miscentur despumato
Attico melle; fiunt pastilli eiusdem ponderis. dantur ad aetatem et vires
in noctem. licet et hinc catapotia facere propter eandem causam, sed tunc
aqua, non mel adicitur. 5
  Pastillus ad tussim et sanguinem reicientes et stomachum solu- 92.1
tum habentes, facit et ad deiectionem et vesicae dolorem: apii seminis
𐆖 p. VI, alterci seminis 𐆖 p. XII, aneti 𐆖 p. XII, opii 𐆖 p. VI, croci 𐆖
p. III, rosae foliorum arefactorum in umbra 𐆖 p. XII, myrrhae 𐆖 p. XII.
semina et crocum et folia rosae contunduntur, cribrantur, myrrha teritur, 5
opium aqua maceratur, omnia in unum miscentur, aqua adiecta fiunt
pastilli victoriati pondere, alii tertia parte detracta. dantur ad stoma-
chum imbecillem habentis et sanguinem reicientis ex aquae frigidae cya-
this duobus, ceteris ex caldae totidem cyathis.
  Pastillus ex odoribus bene facit ad omnem dolorem, proprie 93.1
autem ad tussim, item pectoris destillationem et oculorum epiphoras,
facit et ad suspirium et ad lateris dolorem et ad phthisicos et vesica re-
nibusque laborantis vel sanguinem ab urina reddentis cum dolore: cas-
siae, cinnami, croci, singulorum 𐆖 p. III, alterci seminis, Apollinaris 5
herbae radicis, singulorum 𐆖 p. IIII, piperis 𐆖 p. II, opii 𐆖 p. IIII,
thuris 𐆖 p. III, nardi spicae 𐆖 p. II. vino Falerno contusa et trita utraque,
ut debent, consparguntur, fiunt pastilli victoriati pondere et alii parte
tertia detracta. dantur in noctem, prout vires sunt, cum aquae calidae
cyathis duobus aut tribus. 10
  Medicamentum, quod per coclearium devoratur, bene facit ad 94.1
tussim aridam et eos, qui difficulter glutinosa excreant et praefocari
videntur interdum, sed praecipue eis, qui lateris dolorem cum febre sen-
tiunt, quos Graeci pleuriticos vocant: liberat enim omni periculo eos. hoc
medicamentum Apulei Celsi fuit, praeceptoris Valentis et nostri, et num- 5
quam ulli se vivo compositionem eius dedit, quod magnam opinionem
ex ea traxerat. est autem haec, quae componitur tribus rebus his: mellis
Attici despumati libra, piperis nigri electi et ponderosi granis duobus, myr-
rhae troglodytidos 𐆖 p. I. piper contunditur diligenter et cribratur, myr-
rha teritur mortario curiose et postea utraque in unum miscentur, deinde 10
mellis adicitur quantum sufficiat. dantur coclearia quina vel sena, pleuri-
ticis etiam plura saepius, sed cum intervallo dare oportet et maxime cum
tussiunt et praefocari videntur et difficulter spirant sive noctu sive inter-
diu: protinus enim excreant ea, quae obstant transitui spiritus, et tussire
desinunt. 15