| Ad tumorem, dolorem iocineris et duritiem | |
| Ad tumorem et dolorem iocineris, item ad duritiam facit bene | 123.1 |
| lupi iecur primum in aqua ferventi demissum atque ita arefactum. quan- | |
| tum victoriatorum pondus trium, ex aquae calidae cyathis tribus per ali- | |
| quot dies dabis. | |
| Item bene facit ad duritiam iocineris veterem cunilae aridae, | 124.1 |
| quam satureiam quidam vocant, contusae 𐆖 p. unius vel victoriati cum | |
| mulsi cyathis duobus vel totidem aquae. | |
| Proficit mirifice haec compositio ad tumorem et dolorem cum | 125.1 |
| duritia iocineris et lienis; item ad renum dolorem bene facit. nam colorem | |
| corporis restituit, qui propter vitia supra dictarum partium corrumpitur | |
| pallidusque conspicitur. prodest hoc idem medicamentum etiam ad aquae | |
| mutationes: croci 𐆖 p. X, nardi 𐆖 p. II, cassiae 𐆖 p. II, costi 𐆖 p. I, | 5 |
| schoeni 𐆖 p. I, cinnami 𐆖 p. I, myrrhae stactae 𐆖 p. I, mellis optimi | |
| 𐆖 p. XXV. datur quantum faba Aegyptia ex mixti mulsi cyathis quattuor. | |
| vitreo vase servatur. | |
| Ad iocineris duritiem veterem, hydropicos, lienosos, arquatos | 126.1 |
| et quibus opus est urina; item ex partu residua mulieri purgat et vulvae | |
| dolorem tollit, sic: anesi 𐆖 p. VIII, dauci 𐆖 p. III, petroselini idem, iuni- | |
| peri idem, silis idem, tragacanthi 𐆖 p. I S, panacis 𐆖 p. VIII, iris, myr- | |
| rhae, costi, amomi, singulorum 𐆖 p. VI, cinnami 𐆖 p. III, cassiae | 5 |
| 𐆖 p. III, smyrnei, quod est semen olisatri, 𐆖 p. VIII, nardi Syriaci 𐆖 | |
| p. IIII, acori 𐆖 p. X, balsami seminis 𐆖 p. VI, opii 𐆖 p. V, ervi moliti | |
| sextarii bes, scillae coctae pondo triens, vini Chii aut Lesbii quod satis | |
| erit. pastilli fiunt pondere 𐆖 duum. |