| Ad lienosos veteres et novos. * impubium puerorum | |
| Lienosis bene facit tamariscum longe a mari collectum et | 128.1 |
| arefactum et contusum pondere 𐆖 unius aut victoriati datum ex aqua vel | |
| ex posca. prodest et inula arida Campana eodem modo contusa et cribrata | |
| ex vini mixti cyathis quattuor pondere 𐆖 unius data. mirifice facit et | |
| ammoniacae guttae pondus victoriati cum cauliculis tribus rubi ex aceto | 5 |
| datum per quinque dies: tollit enim ex toto duritiam. | |
| Potio ad lienosos: balani, quo unguentarii utuntur, 𐆖 p. II, | 129.1 |
| costi 𐆖 p. I, capparis radicis 𐆖 p. I, hederae nigrae bacarum 𐆖 p. II, | |
| periclymeni, quam silvae matrem vocamus, pondus victoriati, galbani | |
| pondus victoriati, cardami nigri, id est nasturcii, seminis 𐆖 p. II et vic- | |
| toriati, piperis nigri 𐆖 p. I, scillae coctae 𐆖 p. XII. haec omnia colligun- | 5 |
| tur melle, fiunt globuli. dantur pondere 𐆖 duum vel unius ex melle et ace- | |
| to mixtis cyathis quattuor aut tribus. eadem facit ad hydropicos bene ex | |
| aqua mulsa, urinam movet. | |
| Lienosos sanat extra impositum: sinapis sextarius unus mace- | 130.1 |
| ratus et tritus adiecto sextario uno lentis aceto coctae. oportet autem im- | |
| positum esse medicamentum, donec dolorem pati non possint; postea | |
| solio calido demittantur, ubi plures eos contineant, dum desinat dolor; | |
| alioquin exilient: maior enim fit dolor calda tactis; postea ceratum ex | 5 |
| rosa imponere oportebit. | |
| Aliud eadem ratione impositum melius facit: sinapis sexta- | 131.1 |
| rium, git cyathos duos, nasturci cyathos quattuor, myrobalani corticis | |
| cyathos quattuor, piperis cyathos duos. sinapi aceto acri pridie macera- | |
| tum, deinde tritum, contusum ceteris miscetur. in panno inlitum medica- | |
| mentum imponitur, fascia quam longissima alligatur vel pluribus in unum | 5 |
| commissis, quo tardius solvatur. hoc est efficacissimum et multorum | |
| annorum tollit duritiam. sed post hoc si quae reliquiae remanserint, am- | |
| moniaco tollendae erunt et rubo. | |
| Infantibus lienosis dare oportebit aquam, in qua candens | 132.1 |
| ferrum demissum <est>, vel lac caprinum capra tantummodo hedera pa- | |
| sta. proderit his et sinapi siccum contusum cerato mixtum extra imposi- | |
| tum et gypsum aqua conspersum et acetum, in quo tamaricum decoctum | |
| fuerit, vesica abditum et ita extra impositum. | 5 |