| Ad lumborum dolorem diutinum et paralysin | |
| Ad lumborum dolorem: cucurbitae silvestris floccorum aut | 154.1 |
| seminis 𐆖 p. II, brathys 𐆖 p. I, salis 𐆖 p. I. fiunt catapotia melle decocto | |
| adiecto. valentibus tota datur compositio, imbecillioribus dimidia autem. | |
| sed mane per clysterem alvus ducenda est ovorum albis temperatum. | |
| Ad lumborum dolorem et paralyticos: cucurbitae silvestris 𐆖 | 155.1 |
| p. IIII, pyrethri 𐆖 p. IIII, myrrhae 𐆖 p. II vel I. dantur ex passi cyathis | |
| tribus. licet hinc catapotia fieri, dum idem ponderis devoretur. sed et his | |
| alvus acri clysmo mane trahenda est. | |
| Ad lumborum dolorem et paralyticos antidotos hiera Pacci | 156.1 |
| Antiochi melius omni medicamento facit. sed ad paralysim mirifice hoc | |
| acopum facit, quo oportet in sole diu fricare aut loco flamma praecal- | |
| facto: olei Sabini 𐆖 p. XXV, cucumeris silvatici recentis radicis 𐆖 p. XV. | |
| haec radix magnitudine iuglandis nucis concisa vaso fictili novo ex oleo | 5 |
| coquitur, donec sucum omnem remittat et quasi arida sit; post hoc ab- | |
| icitur, per linteum vel colum transmisso oleo in quo adicitur, dum calet, | |
| cerae Ponticae in frusta redactae pondo libra, olei laurini pondo libra, | |
| olei cyprini pondo libra, olei lilii pondo libra, olei veteris pondo dua, pi- | |
| peris albi contusi et per cribrum tenuissimum transmissi 𐆖 p. as, pyrethri | 10 |
| contusi et per idem cribrum transmissi 𐆖 p. I. haec in unum miscentur, | |
| reponuntur vaso fictili. facit praeterea ad lumborum et ad omnem dolo- | |
| rem corporis et praecipue nervorum. muliebria loca durissima mollit, | |
| cum diu aliis medicamentis nihil profectum est. | |
| Ad lumborum dolorem malagma quod proprie facit: picis | 157.1 |
| liquidae sextarios duos, olei veteris sextarium unum, resinae terebin- | |
| thinae sextarium unum, cerae pondo libram et trientem, mannae pondo | |
| bessem, aphronitri pondo trientem. coquitur pix cum oleo, donec spissa | |
| fiat, et postea adicitur ei resina, deinde cera et secundum hanc ex inter- | 5 |
| vallo manna. ubi habet emplastri figuram medicamentum, tollitur ab | |
| igne et, cum tepere coeperit, aphronitrum aspergitur sensim, ne super- | |
| fundatur, quod in caccabo est. |