| BELLVM MACEDONICVM TERTIVM | |
| Quodam fato, quasi ita convenisset inter Poenos | 1.30.1 |
| et Macedonas ut tertio quoque vincerentur, eodem | |
| tempore utrique arma moverunt. sed prior iugum | |
| excutit Macedo, aliquanto quam ante gravior, dum | |
| contemnitur. causa belli prope erubescenda. quippe | 5 |
| regnum pariter et bellum vir ultimae sortis Andriscus | |
| invaserat, dubium liber an servus, mercennarius certe; | |
| sed qui volgo Philippus ex similitudine Philippi Per- | |
| sae filii vocabatur, regiam formam, regium nomen, | |
| animum quoque regis inplevit. igitur dum haec ipsa | 10 |
| contemnit, populus Romanus Iuventio praetore con- | |
| tentus, virum non Macedonicis modo, sed Thraciae | |
| quoque auxiliis ingentibus validum temere temptavit | |
| invictusque a veris regibus ab illo imaginario et scaenico | |
| rege superatus est. sed consul Metellus amissum cum | 15 |
| legione praetorem plenissime ultus est. nam et Mace- | |
| doniam servitute multavit et ducem belli deditum ab | |
| eo, ad quem confugerat, Thraciae regulo in urbem in | |
| catenis reduxit, hoc quoque illi in malis suis indulgente | |
| fortuna, ut de eo populus Romanus quasi de rege vero | 20 |
| triumpharet. |