Caesari suo Fronto
  Tu, Caesar, Frontonem istum tuum sine fine amas, vix ut 1.3.1.1
tibi homini facundissimo verba sufficiant ad expromendum amorem
tuum et benivolentiam declarandam. Quid, oro te, fortunatius,
quid me uno beatius esse potest, ad quem tu tam fraglantes litteras
mittis? Quin etiam, quod est amatorum proprium, currere ad me 5
vis et volare.
  Solet mea domina parens tua interdum loci dicere se mihi, 2.1
quod a te tanto opere diligar, invidere. Quid, si istas litteras tuas
legerit, quibus tu deos etiam pro salute mea votis advocas et
precaris? O me beatum, ore tuo me diis commendatum! Putesne
ullus dolor penetrare sciat corpus aut animum meum prae tanto 5
gaudio? Procedo <iam>!
  Babae, neque doleo iam quicquam neque aegre fero: vigeo 3.1
valeo exulto; quo vis veniam, quo vis curram. Crede istud mihi,
tanta me laetitia perfusum, ut rescribere tibi ilico non potuerim;
sed eas quidem litteras, quas ad priorem epistulam tuam iam
rescripseram, dimisi ad te; sequentem autem tabellarium retinui, 5
quo ex gaudio resipiscerem. Ecce nox praeteriit, dies hic est alter
qui iam prope exactus est, necdum quid aut quem ad modum res-
cribam tibi reperio. Quid enim ego possim iucundius, quid blandius,
quid amantius quam tu scripsisti mihi proponere? Unde gaudeam
quod ingratum me et referundae gratiae imparem facias; quoniam, 10
ut res est, ita me diligis, ut ego te magis amare vix possim.
  Igitur ut argumentum aliquod prolixiori epistulae reperiam, 4.1
quod, oro te, ob meritum sic me amas? Quid iste Fronto tantum
boni fecit, ut eum tanto opere tu diligas? Caput suum pro te aut
parentibus tuis devovit? Succidaneum se pro vestris periculis
subdidit? Provinciam aliquam fideliter administravit? Exercitum 5
duxit? Nihil eorum. Ne cotidianis quidem istis officiis circa te
praeter ceteros fungitur, immo sectator vel is satis infrequens.
Nam neque domum vestram diluculo ventitat neque cotidie salutat
neque ubique comitatur nec semper spectat. Vide igitur ut, si
quis interroget cur Frontonem ames, habeas in promptu quod 10
facile respondeas.
  At ego nihil quidem malo quam amoris erga me tui nullam 5.1
extare rationem. Nec omnino mihi amor videtur qui ratione oritur
et iustis certisque de causis copulatur. Amorem ego illum intel-
lego fortuitum et liberum et nullis causis servientem, inpetu potius
quam ratione conceptum, qui non officiis ut lignis, sed sponte 5
ortis vaporibus caleat. Baiarum ego calidos specus malo quam
istas fornaculas balnearum, in quibus ignis cum sumptu atque
fumo accenditur brevique restingitur. At illi ingenui vapores
puri perpetuique sunt, grati pariter et gratuiti.
  Ad eundem prorsus modum amicitiae istae officiis calentes 6.1
fumum interdum et lacrimas habent et, ubi primum cessaveris,
extinguntur; amor autem fortuitus et iugis est et iucundus.
  Quid, quod neque adolescit proinde neque conroboratur ami- 7.1
citia meritis parta ut ille amor subitus ac repentinus? Ut non
aeque adolescunt in pomariis hortulisque arbusculae manu cul-
tae rigataeque ut illa in montibus aesculus et abies et alnus et
cedrus et piceae, quae sponte natae, sine ratione ac sine ordine 5
sitae nullis cultorum laboribus neque officiis sed ventis atque im-
bribus educantur.
  Tuus igitur iste amor incultus et sine ratione exortus, spero, 8.1
cum cedris porro adolescit et aesculis; qui si officiorum ratione
coleretur, non ultra myrtos laurusque procresceret, quibus satis
odoris, parum roboris. Et omnino quantum fortuna rationi,
tantum amor fortuitus officioso amori antistat. 5
  Quis autem ignorat rationem humani consilii vocabulum 9.1
esse, Fortunam autem deam dearumque praecipuam? Templa
fana delubra passim Fortunae dicata, <a>t rationi nec simulacrum
nec aram usquam consecratam? Non fallor igitur quin malim
amorem erga me tuum fortuna potius quam ratione genitum. 5
  Neque vero umquam ratio fortunam aequiperat neque maie- 10.1
state neque usu neque dignitate. Nam neque aggeres manu ac
ratione constructos montibus conparabis neque aquae ductuus am-
nibus neque receptacula fontibus. Tum ratio consiliorum prudentia
appellatur, vatum impetus divinatio nuncupatur. Nec quisquam 5
prudentissimae feminae consiliis potius accederet quam vatici-
nationibus Sibyllae. Quae omnia quorsum tendunt? Ut ego recte
malim impetu et forte potius quam ratione ac merito meo diligi.
  Quam ob rem etiam si qua iusta ratio est amoris erga me 11.1
tui, quaeso, Caesar, sedulo demus operam ut ignoretur et lateat.
Sine homines ambigant disserant disputent coniectent requirant,
ut Nili caput, ita nostri amoris originem.
  Sed iam hora decimam tangit et tabellarius tuus mussat. 12.1
Finis igitur sit epistulae. Valeo re vera multo quam opinabar
commodius. De aquis nihildum cogito. Te, dominum meum, decus
morum, solacium m<al>i, quam multum amo! Dices: num am-
plius quam ego te? Non sum tam ingratus ut hoc aud<eam> 5
dicere.
  Vale, Caesar, cum tuis parentibus et ingenium tuu<m> 13.1
excole.