Egrilio Plariano salutem
  Iulium Aquilinum virum, si quid mihi credis, doctissimum, 1.4.1.1
facundissimum, philosophiae disciplinis ad optimas artis, elo-
quentiae studiis ad egregiam facundiam ex iure eruditum, com-
mendo tibi quam possum studiosissime. Decet a te gravissimo et
sapientissimo viro tam doctum tamque elegantem virum non modo 5
protegi, sed etiam provehi et inlustrari. Est etiam, si quid mihi
credes, Aquilinus eius modi vir ut in tui ornamentis ae<que ac>
nostri merito numerandus sit. Non dubitabis ita esse ut dico, si
eum audire <dispu>tantem de Platonicis disciplinis dignatus
fueris. Perspicies pro tua prudentia intelligentiaque summa <non> 10
minorem fama, luculentissimum verborum apparatu, maxima
frequentia sententiarum.
  Quom haec ita esse deprehenderis, scito amplius esse in ho- 2.1
minis moribus, tanta probitate est et verecundia. Maximi concursus
ad audiendum eum Romae saepe facti sunt. Plurimi nostri or-
dinis viri facundiam eius non modo probant, sed etiam admirantur.
Officio necessario inductus est ut <hinc> proficisceretur ad con- 5
solandam consobrinam suam casu gravi adflictam. Quantumcum-
que Aquilino meo honoris tribueris, id te mihi tribuere existimato.