| Quis omnium primus libros publice praebuerit legendos; quantusque | 7.17.pr.1 |
| numerus fuerit Athenis ante clades Persicas librorum in biblio- | |
| thecis publicorum. | |
| Libros Athenis disciplinarum liberalium publice ad legen- | 1.1 |
| dum praebendos primus posuisse dicitur Pisistratus tyran- | |
| nus. Deinceps studiosius accuratiusque ipsi Athenienses | |
| auxerunt; sed omnem illam postea librorum copiam Xerxes | |
| Athenarum potitus urbe ipsa praeter arcem incensa abstulit | 5 |
| asportauitque in Persas. Eos porro libros uniuersos multis | 2.1 |
| post tempestatibus Seleucus rex, qui Nicanor appellatus | |
| est, referendos Athenas curauit. | |
| Ingens postea numerus librorum in Aegypto ab Ptolemaeis | 3.1 |
| regibus uel conquisitus uel confectus est ad milia ferme | |
| uoluminum septingenta; sed ea omnia bello priore Alexan- | |
| drino, dum diripitur ea ciuitas, non sponte neque opera | |
| consulta, sed a militibus forte auxiliaris incensa sunt. | 5 |