| XXVIII | |
| Saecula Carpophorum, Caesar, si prisca tulissent, | 28.1 |
| <Monstra quibus fudit> barbara terra fera, | |
| Non Marathon taurum, Nemee frondosa leonem, | |
| Arcas Maenalium non timuisset aprum. | |
| Hoc armante manus hydrae mors una fuisset, | 5 |
| Huic percussa foret tota Chimaera semel. | |
| Igniferos possit sine Colchide iungere tauros, | |
| Possit utramque feram vincere Pasiphaës. | |
| Si vetus aequorei revocetur fabula monstri, | |
| Hesionen solvet solus et Andromedan. | 10 |
| Herculeae laudis numeretur gloria: plus est | |
| Bis denas pariter perdomuisse feras. |