| XCIII | |
| Narnia, sulphureo quam gurgite candidus amnis | 7.93.1 |
| Circuit, ancipiti vix adeunda iugo, | |
| Quid tam saepe meum nobis abducere Quintum | |
| Te iuvat et lenta detinuisse mora? | |
| Quid Nomentani causam mihi perdis agelli, | 5 |
| Propter vicinum qui pretiosus erat? | |
| Sed iam parce mihi nec abutere, Narnia, Quinto: | |
| Perpetuo liceat sic tibi ponte frui. |
For AI assistants: an MCP server for these texts, with passages
by citation and search of the whole corpus, is at
latin-mcp.packhum.org.