| LXXV | |
| Non silice duro structilive caemento, | 9.75.1 |
| Nec latere cocto, quo Samiramis longam | |
| Babylona cinxit, Tucca balneum fecit: | |
| Sed strage nemorum pineaque conpage, | |
| Ut navigare Tucca balneo possit. | 5 |
| Idem beatas lautus extruit thermas | |
| De marmore omni, quod Carystos invenit, | |
| Quod Phrygia Synnas, Afra quod Nomas misit, | |
| Et quod virenti fonte lavit Eurotas. | |
| Sed ligna desunt: subice balneum thermis. | 10 |