| C. PLINIVS CORELLIAE SVAE S. | |
| Tu quidem honestissime, quod tam impense et rogas et | 7.14.1.1 |
| exigis, ut accipi iubeam a te pretium agrorum non ex septin- | |
| gentis milibus, quanti illos a liberto meo, sed ex nongentis, | |
| quanti a publicanis partem uicensimam emisti. Inuicem ego | 2.1 |
| et rogo et exigo, ut non solum quid te uerum etiam quid me | |
| deceat adspicias, patiarisque me in hoc uno tibi eodem | |
| animo repugnare, quo in omnibus obsequi soleo. Vale. |