| C. PLINIVS SABINIANO SVO S. | |
| Bene fecisti quod libertum aliquando tibi carum reducenti- | 9.24.1.1 |
| bus epistulis meis in domum in animum recepisti. Iuuabit | |
| hoc te; me certe iuuat, primum quod te tam tractabilem | |
| uideo, ut in ira regi possis, deinde quod tantum mihi tribuis, | |
| ut uel auctoritati meae pareas uel precibus indulgeas. Igitur | 5 |
| et laudo et gratias ago; simul in posterum moneo, ut te | |
| erroribus tuorum, etsi non fuerit qui deprecetur, placabilem | |
| praestes. Vale. |