| C. PLINIVS TRAIANO IMPERATORI | |
| Gauius Bassus praefectus orae Ponticae et reuerentissime | 10.21.1.1 |
| et officiosissime, domine, uenit ad me et compluribus diebus | |
| fuit mecum, quantum perspicere potui, uir egregius et in- | |
| dulgentia tua dignus. Cui ego notum feci praecepisse te ut | |
| ex cohortibus, quibus me praeesse uoluisti, contentus esset | 5 |
| beneficiariis decem, equitibus duobus, centurione uno. Re- | 2.1 |
| spondit non sufficere sibi hunc numerum, idque se scripturum | |
| tibi. Hoc in causa fuit, quominus statim reuocandos putarem, | |
| quos habet supra numerum. |