ADELPHOE
PROLOGVS
Postquam poeta sensit scripturam suam 1
ab iniquis observari, et advorsarios
rapere in peiorem partem quam acturi sumus,
indicio de se ipse erĭt, vos eritis iudices
laudin an vitio duci factum oporteat. 5
Synapothnescontes Diphili comoediast:
<³ea>³m Commorientis Plautu' fecit fabulam.
in Graeca adulescens est qui lenoni eripit
meretricem in prima fabula: <³eu>³m Plautus locum
reliquit integrum, <³eu>³m hic locum sumpsit sibi 10
in Adelphos, verbum de verbo expressum extulit.
<³ea>³m nos acturi sumu' novam: pernoscite
furtumne factum existumetis an locum
reprehensum qui praeteritu' neglegentiast.
nam quod ĭsti dicunt malevoli, homines nobilis 15
hunc adiutare adsidueque una scribere,
quod ĭlli maledictum vehemens esse existumant,
<³ea>³m laudem hic ducit maxumam quom illis placet
qui vobis univorsis et populo placent,
quorum opera in bello in otio in negotio 20
s<³uo>³ quisque tempore usust sine superbia.
de(h)inc ne exspectetis argumentum fabulae,
senes qui primi venient ĭ partem aperient,
in agendo partem ostendent. facite aequanimitas
poetae ad scribendum augeat industriam. 25