| Conuenit inter omnis, tam certum eum de sua suo- | Ves.25.1.1 |
| rumque genitura semper fuisse, ut post assiduas in | |
| se coniurationes ausus sit adfirmare senatui aut filios | |
| sibi successuros aut neminem. dicitur etiam uidisse | |
| quondam per quietem stateram media parte uestibuli | 5 |
| Palatinae domus positam examine aequo, cum in altera | |
| lance Claudius et Nero starent, in altera ipse ac filii. | |
| nec res fefellit, quando totidem annis parique temporis | |
| spatio utrique imperauerunt. |