<ROSATVM ET VIOLACIVM>
  Rosatum sic facies: folias rosarum, albo sublato, 1.4.1.1
lino inseris ut sutilis facias, et vino quam plurimas infun-
des, ut septem diebus in vino sint. post septem dies rosam
de vino tollis, et alias sutiles recentes similiter mittis, ut
per dies septem in vino requiescant, et rosam eximis. 5
similiter et tertio facies, et rosam eximis, et vinum colas,
et, cum ad bibendum voles uti, addito melle rosatum
conficies. sane custodito ut rosam a rore siccam et opti-
mam mittas. similiter, ut supra, et de <viola> violacium
facies, et eodem modo melle temperabis. 10
  Rosatum sine rosa sic facies: folia citri viridia in spor- 2.1
tella palmea in dolium musti mittes antequam ferveat, et
post quadraginta dies exime. cum necesse fuerit, mel
addes et pro rosato utere.
  OLEVM LIBVRNICVM SIC FACIES: In oleo 5.1.1
Spano mittes hellenium et cyperi et folia lauri non ve-
tusta, tunsa omnia et cribellata, ad levissimum pulverem
redacta, et sales frictos et tritos, et per triduum vel plus
promisce diligenter. post haec aliquanto tempore patere 5
requiescere, et Liburnicum omnes putabunt.
  VINVM EX ATRO CANDIDVM FACIES: Lomen- 6.1.1
tum ex faba factum vel ovorum trium alborem in lagonam
mittis et diutissime agitas. alia die erit candidum. et cine-
res vitis albae idem faciunt.
  DE LIQVAMINE EMENDANDO: Liquamen si 7.1.1
odorem malum fecerit, vas inane inversum fumiga lauro
et cupresso, et in hoc liquamen infunde ante ventilatum.
si salsum fuerit, mellis sextarium mittes et move spicas,
et emendasti. sed et mustum recens idem praestat. 5
  VT CARNES SINE SALE QVOVIS TEMPORE 8.1.1
RECENTES SINT: Carnes recentes quales volueris melle
tegantur, sed vas pendeat, et, quando volueris, utere. hoc
hieme melius fit, aestate paucis diebus durabit. et in carne
cocta itidem facies. 5
  CALLVM PORCINVM VEL BVBVLVM ET 9.1.1
VNGELLAE COCTAE VT DIV DVRENT: In sinapi
ex aceto, sale, melle facta mittis ut tegantur, et, quando
volueris, utere. miraberis.
  VT CARNEM SALSAM DVLCEM FACIAS: Car- 10.1.1
nem salsam dulcem facies, si prius in lacte coquas et po-
stea in aqua.
  VT PISCES FRICTI DIV DVRENT: Eodem mo- 11.1.1
mento, quo friguntur et levantur, ab aceto calido perfun-
duntur.
  OSTREA VT DIV DVRENT: Lavas ab aceto, 12.1.1
aut ex aceto vasculum picitum lava, et ostrea compone.
  VT VNCIA LASERIS TOTO TEMPORE VTA- 13.1.1
RIS: Laser in spatiosum doliolum vitreum mittis et nuc-
leos pineos ut puta viginti, cumque utendum fuerit la-
sere, nucleos conteres, et in cibis miraberis [in] sapores.
et tantum numero nucleorum doliolo referentur. 5
  VT DVLCIA MELLE DIV DVRENT: Accipies 14.1.1
quod Graeci dicunt cnecon et facies farinam et admisces
cum melle eo tempore quo dulcia facturus es.
  VT MEL MALVM BONVM FACIAS: Mel malum 15.1.1
bonum facies ad vendendum, unam partem mali et duas
boni si simul miscueris.
  MEL CORRVPTVM VT PROBES: Inlunium 16.1.1
infundes in melle et incende. si incorruptum est, lucet.
  VVAE VT DIV SERVENTVR: Accipies uvas 17.1.1
de vite inlaesas, et aquam pluvialem ad tertias decoques,
et mittis in vas in quo et uvas mittis, vas picari et gypsari
facies, et in locum frigidum, ubi sol accessum non habet,
reponi facies, et, quando volueris, uvas virides invenies. 5
et ipsam aquam pro hydromelli aegris dabis. et si in hor-
deo obruas, inlaesas invenies.
  VT MALA ET MALA GRANATA DIV DV- 18.1.1
RENT: In calidam ferventem merge, et statim leva et
suspende.
  VT MALA CYDONIA DIV SERVENTVR: 19.1.1
Eligis mala sine vitio cum ramulis et foliis, et condes in
vas, et suffundes mel et defritum, et diu servabis.
  FICVM RECENTEM, MALA, PRVNA, PIRA, 20.1.1
CERASIA VT DIV SERVES: Omnia cum petiolis di-
ligenter legito et in melle ponito, ne se contingant.
  CITRIA VT DIV DVRENT: In vas citrium 21.1.1
mitte, gypsa, suspende.
  <MORA> VT DIV DVRENT: Ex moris sucum 22.1.1
facito, et cum sapa misce, et in vitreo vase cum mora
mitte; custodies multo tempore.
  HOLERA VT DIV SERVENTVR: Holera 23.1.1
electa non satis matura in vas picitum repone.